Қаулыға сәйкес, жүргізушімен қоса 60 немесе одан да көп жолаушы
тасымалдауға арналған, «Еуро-5» және одан жоғары экологиялық санат талаптарына
сай келетін М3 санатындағы (III сыныпқа жатпайтын) жаңа көлік құралдарын
(автобус, электробус немесе троллейбустар) 2027 жылғы 31 желтоқсанға дейін Өзбекстан
Республикасына импорттау кезінде утилизация алымының нөлдік мөлшерлемесі
қолданылады.
Брутто-келісімшарты негізінде ұйымдастырылған тұрақты қалалық автобус
бағыттарында түсімдердің толық жиналуын қамтамасыз ету мақсатында, 2026 жылғы 1
қыркүйектен бастап төмендегі тәртіп енгізіледі:
— жолаушы жолақыны автоматтандырылған төлем жүйесі терминалдарымен
(валидаторлармен) жабдықталған автобусқа мінген кезде келесі тәсілдердің бірі
арқылы жүзеге асырылады:
көлік картасын валидаторға тигізу арқылы растау;
банк картасы, смартфон және басқа да байланыссыз
электрондық төлем құралдарын пайдалану (NFC, QR, биометриялық төлем, BLE, UWB
және өзге де енгізіліп жатқан технологиялар арқылы төлеу);
әлеуметтік немесе көлік картасын валидаторға тигізу
арқылы жеңілдікпен немесе тегін жүру құқығын растау.
— егер
жолақы осы тармақта көрсетілген тәсілдер арқылы автобусқа мінген кезде
төленбесе (немесе расталмаса), жолаушы билетсіз жүрген болып есептеледі.
Аталған
қаулымен Өзбекстан Республикасы Үкіметінің кейбір қаулыларына өзгерістер мен қосымшалар енгізіледі:
Атап айтқанда, қала шетінен 5 шақырымға дейін немесе бекітілген тәртіппен
мақұлданған қалалардың көлік және жол-көлік инфрақұрылымын дамыту жөніндегі бас
жоспарларына сәйкес ең көбі 12 шақырымға дейін шығатын бағыттар енді қалалық
автобус бағыттары болып саналады.
Көлік министрлігі тиісті министрліктер мен кеңселермен бірлесіп ағымдағы
жылдың 1 қыркүйегіне дейін елордадағы қоғамдық көлік пен қала маңындағы
теміржол қатынастарында жолақы төлеудің интеграцияланған жүйесін енгізеді. Сонымен
қатар «электр пойызы – автобус» және «электр пойызы – метро» бағыттары үшін
тартымды тарифтік жоспарлар іске қосылады.
