Клуб янги мавсум олдидан ўз логотипини янгилади. Янги логотипни яратишда кўк, қизил ва оқ ранглардан фойдаланилган. "А" ҳарфи кўринишидаги логотипда Заҳириддин Муҳаммад Бобур ҳайкали ва бургут (жамоа лақаби) тасвирланган.

Шунингдек, жамоа ўз ўйинларини ўтказиб келадиган "Соғлом авлод" стадиони номи ҳам "Бобур Арена"га алмаштирилди.

Маълумки, Ўзбекистон Республикаси Президентининг 2Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида"ги Фармонида Андижон шаҳридаги марказий стадион номини "Бобур Арена" деб номлаш таклифи илгари сурилган эди. Мазкур ўзгариш орқали Фармоннинг ижроси таъминланди.

Таъкидлаш керак, дунёдаги кўплаб стадионлар тарихий шахслар номи билан аталади. Бунга Монакодаги Луи ИИ стадиони, Истанбулдаги турк халқининг миллий қаҳрамони Мустафо Камол Отатурк номи берилган Олимпия стадиони ёки Грознийдаги Аҳмад Қодиров шарафига қайта номланган "Аҳмат Арена"ларни мисол келтириш мумкин. Энди улар сафига Андижондаги "Бобур Арена" ҳам қўшилди.