«Garden catering trade» МЧЖ раҳбари, технологи, директори ва ҳисобчиси айбли деб топилиб, уларга тегишли жазолар тайинланган.
Жиноят ишлари бўйича Фурқат туман суди мазкур ишни тарафлар иштирокида мазмунан кўриб чиқиб, 2026 йил 21 сентябрда ҳукм чиқарган.
Судланувчиларга жазо тайинлашда уларнинг қилмишидан чин кўнгилдан пушаймонлиги, муқаддам судланмагани, жабрланувчиларга етказилган зарар тўлиқ қоплангани ва жабрланувчиларнинг қонуний вакиллари даъволари йўқлигини билдиргани инобатга олинган.
Суд тадбиркорлик субъектларига нисбатан қонунчиликда муайян ҳуқуқдан маҳрум қилиш жазоси тайинланмаслигини ҳам ҳисобга олган. Шу сабаб судланувчиларга бундай жазо қўлланмаган.
Ҳозирча ҳукм устидан шикоят келиб тушмаган. Бироқ ундан норози бўлган тарафлар қонунчиликда белгиланган тартиб ва муддатларда Фарғона вилояти судига апелляция ёки кассация тартибида шикоят бериши, шунингдек, протест келтирилиши мумкин.
