Ба гуфтаи мураббӣ, вохӯрӣ ҷолиб ва пуршиддат гузашт ва
дар қисми дуюми бозӣ тими Ӯзбекистон тавонист ҷараёни рақобатро тағйир диҳад.
«Бозӣ ҷолиб буд. Дар қисми дуюм ба мо муяссар шуд, ки ҷараёни
бозиро тағйир диҳем. Мо тавассути қаноти чап лаҳзаҳои хавфнок эҷод мекардем ва
кӯшиш менамудем, ки назорати бозиро ба даст гирем.
Пеш аз ҳама, мо ба ин ҷо омадем, то Ӯзбекистонро дар сатҳи
шоиста ба ҷаҳониён муаррифӣ кунем. Ман ҳамеша ба дастаам мегӯям, ки бояд дар
тамоми ҷараёни бозӣ фаъол бошанд. Бозӣ кардан бар зидди чунин дастае, мисли
Колумбия ва анҷом додани ҳаҷми зиёди кор бидуни тӯб осон нест.
Дар маҷмӯъ, дар қисми дуюм хуб бозӣ кардем, аммо
мутаассифона, гол қабул намудем.
Ин бозӣ дар ин варзишгоҳ дар хотираи мо боқӣ хоҳад монд,
зеро он таърихӣ буд. Мо дар Ҷоми ҷаҳон иштирок дорем. Ба андешаи ман, бозии имрӯз
барои мо таҷрибаи хуб гардид. Албатта, иштибоҳҳо буданд ва мо ҳатман рӯи онҳо
кор хоҳем кард.
Ман
аз футболбозонам ифтихор мекунам. Онҳо бозии хуб нишон доданд. Имрӯз бозии
бисёр душвор буд. Дар чунин варзишгоҳ ва дар чунин фазои дастгирии мухлисон бозӣ
кардан осон нест. Аммо чунин муҳит метавонад ангезаи иловагӣ бахшад», -- изҳор дошт Фабио Каннаваро.
