Тавре ки дар Вазорати иқтисод ва молия хабар доданд,
субсидия аз ҳисоби маблағҳои буҷети давлатӣ мутобиқи қарори Девони Вазирон №69
аз 19 феврали соли 2026 пешниҳод мегардад, ки бо он «Тартиби додани субсидияҳо
ба омӯзгорони дорои дараҷаи олии тахассусӣ барои хариди манзил» тасдиқ шудааст.
Ин субсидия 25%-и пардохти аввалияи қарзи ипотекиро мепӯшонад.
Дар доираи барнома довталаб бояд ба ҳамаи меъёрҳои иҷтимоӣ
ҷавобгӯ бошад, инчунин таърихи қарзии мувофиқ ба талаботи дохилии ҳадди ақал
яке аз бонкҳои тиҷоратии иштирокчии барнома дошта бошад.
Ҳамзамон, довталаб ва ҳамсараш набояд дар ҳудуди ҷумҳурӣ
ду ва ё зиёда манзили истиқоматӣ дошта бошанд. Инчунин талаб мешавад, ки ҳадди
ақал 15 сол собиқаи омӯзгорӣ ва дараҷаи олии тахассусӣ дошта бошад.
Роҳҳои
пешниҳод кардани дархост:
муроҷиати
шахсӣ ба Марказҳои хизматрасонии давлатӣ;
тавассути
замимаи мобилии MyGov;
тавассути
портали my.gov.uz
Эзоҳи
муҳим:
Дар марҳилаи пешниҳоди дархост бояд иҷозат барои
истифодаи маълумоти шахсӣ тавассути панели идоракунии OneID ба бонкҳои иштирокчӣ
дода шавад, то ки таърихи қарзӣ арзёбӣ гардад.
Ҳамчунин набояд маҳдудият барои гирифтани таърихи қарзӣ
вуҷуд дошта бошад, вагарна дархост метавонад рад карда шавад.
