Ma’lum qilinishicha, Karmana tumanida faoliyat yurituvchi «L.» oilaviy korxonasi rahbari xizmat ko‘rsatish binosi elektr tarmoğidan asossiz uzib qo‘yilgani yuzasidan Biznes-ombudsmanga murojaat qilgan.

O‘rganishlar davomida Qiziltepa tuman elektr tarmoqlari korxonasi tomonidan mazkur korxonaga tegishli binoda elektr ta’minoti asossiz cheklab qo‘yilgani aniqlangan. Bu esa tadbirkorlik faoliyatining vaqtincha to‘xtab qolishiga sabab bo‘lgan.

Qayd etilishicha, Vazirlar Mahkamasining 2024 yil 31 maydagi 319-son qarori bilan tasdiqlangan «Elektr energiyasidan foydalanish» qoidalarida iste’molchining elektr ta’minotidan uzish yoki cheklash uchun aniq asoslar belgilangan.

Mazkur holat yuzasidan Biznes-ombudsman tomonidan ko‘rilgan choralar natijasida tadbirkorlik faoliyatiga asossiz aralashgan mansabdor shaxsga nisbatan Ma’muriy javobgarlik to‘g‘risidagi kodeksning 241-3-moddasi asosida BHMning 40 baravari miqdorida jarima jazosi qo‘llanildi.

Shuningdek, ko‘rilgan choralar natijasida oilaviy korxonaning elektr ta’minoti qayta tiklanib, uning faoliyatini davom ettirishi ta’minlangan. Sohağa mas’ul boshqa xodimlar bilan esa kelgusida bunday holatlarning oldini olish bo‘yicha profilaktik suhbatlar o‘tkazilgan.