Өзбекстанлы аўыр атлетши Акбар Жўраев Норвегияда өтип атырған аўыр атлетика бойынша жәҳән чемпионатында абсолют чемпион болды.
110 килограммға шекемги салмақ категориясында Жўраев 196 килограммды көтерип, алтын медалды қолға киргизди ҳәм жәҳән рекордын орнатты. Оның жерлеси Руслан Нурудинов 186 кг салмақ пенен төртинши орынды ийеледи.
Силкип көтериў шынығыўында Жўраев 232 кг, еки шынығыўдың қосындысы бойынша 428 кг нәтийжени көрсетип, исенимли түрде биринши орынды ийеледи ҳәм абсолют жәҳән чемпионы болды.
Руслан Нурудинов силтеп көтериўде 228 кг, еки гүресте 414 кг салмақ пенен 2 бронза медалды қолға киргизди.
Ҳиндстанның Нью-Дели қаласында пара жеңил атлетика бойынша 9 күн даўам еткен жәҳән чемпионаты жуўмақланды. Дүньяның 109 мәмлекетинен 1400 ге шамалас спортшы қатнасқан бул абырайлы жарыста Өзбекстан сайланды командасы да қатнасты.
Ҳиндстанның Нью-Дели қаласында пара жеңил атлетика бойынша жәҳән чемпионаты даўам етпекте. Кеше бийикликке секириў бойынша ер адамлар арасында Т64 класындағы жарыс жуўмақланды ҳәм онда Өзбекстан сайланды командасының ўәкили Темурбек Ғиязов жарқын нәтийже көрсетти.
Ҳиндстанның Нью-Дели қаласында пара жеңил атлетика бойынша өткерилип атырған жәҳән чемпионатында Өзбекстан сайланды командасы төртинши алтын медалды қолға киргизди.
Параатлетизм бойынша жәҳән чемпионатында Өзбекстан сайланды командасы және бир медалға ийе болды. Диск ылақтырыў бойынша ҳаял-қызлар арасында F41 классында қатнасқан спортшымыз Навруза Аҳматова 28,83 метр нәтийжени көрсетти. Бул оны тек ғана бронза медалы менен тәмийинлеп қоймастан, ал Азияда жаңа рекордқа айланды.
Ҳиндстанның Нью-Дели қаласында пара жеңил атлетика бойынша Өзбекстан сайланды командасы жәҳән чемпионатында алтын медалды қолға киргизди. Ядро ылақтырыў бойынша ҳаял-қызлар арасында өткерилген беллесиўлерде F46 классында қатнасқан 20 жаслы Каромат Омонова 13,07 метр нәтийже менен барлық қарсыласларын жеңип шығып, Азия рекордын жаңалады.
Нью-Дели қаласында параатлетизм бойынша өткерилип атырған жәҳән чемпионатында Өзбекстан сайланды командасы және бир сыйлы орынды ийеледи. Ерлер арасында F32 класында ядро ылақтырыў бойынша жарыстың финал басқышында қатнасқан жерлесимиз Жасур Хўжаев 9,96 метр көрсетип, Өзбекстан командасына алтын медаль алып келди.
Ҳиндстанның Нью-Дели қаласында пара жеңил атлетика бойынша жәҳән чемпионатының Т12 категориясындағы ҳаял-қызлар арасында узынлыққа секириў бойынша жарыс жуўмақланды. Онда Өзбекстан сайланды командасы ўәкили Ёқутхон Холбекова 5,54 метр нәтийжени көрсетип, барлық қарсыласларынан жеңип, алтын медалды қолға киргизди.
