Оған оқыў орны басшылары, илимпазлар, студентлер ҳәм ғалаба хабар қуралларының ўәкиллер қатнасты.
Кешени филиал директорының оқыў ислери бойынша орынбасары Хайрат Сейткамалов ашты ҳәм қатнасыўшыларды байрам менен қызғын қутлықлап, ана тилимиздиң халқымыздың турмысында тутқан орны, атқаратуғын хызметлери ҳаққында айтып берди.
Илажда Өзбекстан Илимлер академиясы Қарақалпақстан бөлими Қарақалпақ гуманитар илимлер институты, үлкен илимий хызметкери, филология илимлериниң кандидаты Қыдырбай Бекбергенов «Қарақалпақ тили-мәмлекетлик тил», усы институттың қарақалпақ фольклоры бөлими баслығы Полат Өтениязов «Қарақалпақ фольклоры дүнья жүзи итибарында», Муҳаммед ал-Хорезмий атындағы Ташкент информациялық технологиялар университети Нөкис филиалының өзбек ҳәм шет тиллер кафедрасы баслығы Урзия Жақсымова «Қарақалпақ тили-миллийлигимиз тийкары» деген темаларда баянатлар жасап, илаж қатнасыўшыларының қызықтырған сораўларына жуўаплар берди.
Байрам кешеси филиал студентлери тәрепинен сахналастырылған көркем-әдебий концерт бағдарламасы менен қызықлы даўам етти.
Адилбай Оразов,
Қарақалпақстан хабар агентлиги шолыўшысы.
