Өзбекстан Республикасы Президентиниң "Өзбекстан халық артисти Шерали Жўраевтың естелигин мәңгилестириў ҳәм оның дөретиўшилик мектеби дәстүрлерин мүнәсип даўам еттириўге байланыслы илажлар ҳаққында"ғы қарары (ПҚ-232-санлы, 28.07.2025-ж.) қабыл етилди.
Қарарға бола, Әндижан қәнигелестирилген көркем өнер мектеби негизинде Шерали Жўраев атындағы музыка ҳәм көркем өнер жоқары мектеби шөлкемлестириледи.
Жоқары мектепте оқыў процеси 2025/2026-оқыў жылынан басланады.
Жоқары мектепке басланғыш музыкалық билимге ийе болған оқыўшылар дөретиўшилик сынақ тийкарында 9-класстан қабыл етиледи.
Оқыў процеси мәмлекетлик грантқа тийкарланған 3 жыллық оқыў бағдарламасы бойынша шөлкемлестириледи ҳәм питкериўшилерге орта арнаўлы кәсиплик билимлендириў ҳаққында мәмлекетлик үлгидеги диплом бериледи.
Жоқары мектептиң қәбилетли питкериўшилери өз оқыўын тийисли бакалавриат тәлим бағдары бойынша жоқары билимлендириў шөлкемлериниң 2-басқышынан даўам еттириўи мүмкин.
Сондай-ақ, жоқары мектепте Шерали Жўраевтың дөретиўшилик бағдары ҳәм жумысы бойынша илимий-дөретиўшилик лаборатория жумысы жолға қойылады.
