Форумда ҳаял-қызлардың инновациялық басламалары ҳәм исбилерменлигин қоллап-қуўатлаў ҳәм раўажландырыў мәселелери додаланды.
Ҳәзирги ўақытта ҳаял-қызлардың инновациялық ҳәм исбилерменлик басламаларын хошаметлеў, олардың бизнес имканиятларын кеңейтиў ҳәм ҳәр тәреплеме қоллап-қуўатлаў пүткил дүньяда экономикалық раўажланыўдың әҳмийетли факторы сыпатында тән алынбақта. Исбилерменликте ҳаял-қызлардың белсене қатнасыўы тек ғана гендер теңлигин тәмийинлеп қоймастан, ал мәмлекетлердиң экономикасына жаңа идеялар ҳәм инновациялық қатнасларды алып киреди.
Уллы Жипек жолы - бул тек ғана тарийхый саўда ҳәм мәдений алмасыўлар жолы емес, ал бул жол арқалы Өзбекстан ҳәм Қытайдың инновация, технология ҳәм исбилерменлик тараўларындағы бирге ислесиўи беккемленип, жаңа имканиятлар ҳәм перспективаларға есик ашылмақта. Бүгинги күнде Өзбекстан ҳәм Қытай арасындағы экономикалық ҳәм мәдений бирге ислесиў избе-из кеңейип, жаңа басқышқа көтерилмекте. Әсиресе, ҳаял-қызлар исбилерменлиги ҳәм инновациялық жойбарлар еки мәмлекеттиң раўажланыўында әҳмийетли орын ийелемекте.
Өзбекстан Республикасы Президенти Шавкат Мирзиёевтиң басшылығында "Бир мәкан - бир жол" басламасы шеңберинде инфраструктура, технология, билимлендириў ҳәм кадрлар таярлаў тараўларында ири реформалар әмелге асырылмақта. Соның менен бирге, ҳаял-қызларды ҳәр тәреплеме қоллап-қуўатлаўға қаратылған биргеликтеги бағдарламалар да стратегиялық бирге ислесиўимизде тийкарғы бағдарға айланды.
Өз-ара қабыл етилген әҳмийетли қарарлар болса халықларымыздың абаданлығы ҳәм турақлы раўажланыўын тәмийинлеўге хызмет етпекте.
Форум Өзбекстан ҳәм Қытай ҳаял-қызлары арасындағы байланысларды және де беккемлеў, тәжирийбе ҳәм идеялар алмасыў, жаңа имканиятларды ашыў ушын қолайлы сөйлесиў майданы болып хызмет етеди. Еки мәмлекет исбилермен ҳаял-қызлары арасында тиккелей шерикликти беккемлеў, биргеликтеги жойбарларды әмелге асырыў, өз-ара бирге ислесиўди буннан былай да беккемлеў мәселелеринде тәжирийбе алмасыў ушын өзине тән сөйлесиў майданын жаратыўдан ибарат.
Форум шеңберинде 10 нан аслам келисимге ерисилди ҳәм арнаўлы Декларация қабыл етилди.
Форумда Қытай Халық Сиясий мәсләҳәт кеңесиниң 14-шақырық мәжилиси баслығының орынбасары, ШБШның қоңсышылық, дослық ҳәм бирге ислесиў бойынша Қытай комитетиниң баслығы Шэн Юэ Юэ ханым ҳәм Өзбекстан Республикасы Бас министриниң орынбасары - Шаңарақ ҳәм ҳаял-қызлар комитетиниң баслығы Зулайҳо Маҳкамова баянат жасады.
