Нызам банклер, банклер топарлары ҳәм банк акцияларының қадағалаў пакетин ийелик етиўши холдинг компанияларына қолланылады.

Орайлық банк банклерди санациялаў ҳәм сапластырыў тараўындағы ўәкилликли мәмлекетлик уйым есапланады.

Төменде санап өтилген барлық тийкарлардың бар екенлиги банкти санациялаўды баслаў ушын тийкар болып есапланады:

банктиң төлеўге қәбилетсизлиги ямаса төлеўге қәбилетсизликтиң жүзеге келиў итималы жоқары;

банклер тәрепинен көрилген шаралар, сондай-ақ, Орайлық банк тәрепинен қолланылған қадағалаў шаралары төлемсизликти сапластырыўға қәбилетсизлиги ямаса 6 ай ишинде буның имканияты жоқ екенлиги;

банктиң системалы әҳмийетке ийе екенлиги ямаса системалы әҳмийетке ийе болмаган банкти мәжбүрий сапластырыў арқалы белгиленген мақсетлерге ерисиў мүмкин емеслиги себепли санация етиў зәрүрлиги.

Орайлық банк санация етилип атырған банктиң арнаўлы басқарыўшысын тайынлаў ҳаққында қарар қабыл етиўге ҳақылы.

Санациялаў қураллары төмендегилерден ибарат:

активлер ҳәм миннетлемелерди өткериў (сатыў);

аралық банкти шөлкемлестириў;

есаптан шығарыў ҳәм (ямаса) конвертациялаў.