Усы ярмаркаларда сатыўға алып шығылған өнимлердиң қәўипсизлигин тәмийинлеў ҳәм зәҳәрлениў жағдайларының алдын алыў ең әҳмийетли ўазыйпалардың бири есапланады.
Сонлықтан Санитариялық бақлаў ҳәм тынышлық орайы Беруний районлық бөлими қәнигелери тәрепинен жаңа жыл байрамын пуқаралардың зыянсыз өткериўи ушын шөлкемлестирилген ярамркалардағы өнимлердиң сапасы, балалар ушын таярланған саўғалардың жарамлылық мүддетлери бақлаўдан өткерилмекте.
Сондай-ақ, халық арасында аўқаттан зәҳәрлениў ҳәм ботулизм кеселликлериниң келип шығыўының алдын алыў мақсетинде түрли түрдеги өнимлердиң сапа ҳәм қәўипсизлик кепиллиги, сақлаў мүддетлери, пайдаланыў жарамлылығы бойынша үйрениў жумыслары алып барылды. Мақсет -халықтың санитариялық мәдениятын арттырыў, өткир жуқпалы ишек ҳәм элементар кеселликлердиң ҳәм аўқаттан зәҳәрлениў жағдайларының алдын алыўдан ибарат.
Қарақалпақстан хабар агентлиги.