10-июнь күни Көксарай резиденциясында мәмлекетимизге рәсмий сапар менен келген Болгария Республикасы Президенти Румен Радевти рәсмий күтип алыў мәресими болды.
Резиденция алдындағы майданда еки мәмлекеттиң мәмлекетлик байрақлары көтерилди, ҳүрметли қараўыл сап тартты.
Президентимиз жоқары мәртебели мийманды шын жүректен күтип алып, минберге мирәт етти.
Мәмлекетлик гимнлер жаңлады. Әскерий оркестр сазлары астында жетекшилер ҳүрметли қараўыл қатары алдынан өтип, рәсмий делегациялар ағзаларын қутлықлады.
Биргеликте сүўретке түсиўден соң мәмлекет басшыларының делегациялар қатнасыўындағы сөйлесиўлери басланды.
Өзбекстан Республикасы Президенти Шавкат Мирзиёев 19-декабрь күни Токио қаласына рәсмий сапары шеңберинде Япония экономика, санаат ҳәм саўда министри Рёсэй Аказованы қабыллады.
Өзбекстан Республикасы Президенти Шавкат Мирзиёев 11-декабрь күни Ашхабад қаласына келгеннен соң Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедов пенен ушырасыў өткерди.
Президент Шавкат Мирзиёев 10-декабрь күни коррупцияға қарсы гүресиў, комплаенс қадағалаўды жетилистириў ҳәм санластырыў бағдарында әмелге асырылып атырған жумыслар ҳәм келешектеги режелерге байланыслы презентация менен танысты.
