Илажда басқарма баслығы К.Артыков 2024-жылда елимизде барлық тараўларда, соның ишинде, исбилерменлик тараўында да анағурлым унамлы нәтийжелерге ерисилгенлигин, быйылғы жыл бизнес субъектлери ушын алдынғы жылларға салыстырғанда табыслы жыл болып келгенлигин айрықша атап өтти. Исбилерменлердиң алдағы ўақытлары да елимиз экономикасына өзлериниң мүнәсип үлеслерин қосып, жаңа 2025-жылда буннан да жоқары нәтийжелерге ерисиўине исеним билдирилди.

Буннан соң, жыл даўамында айырықша белсендилиги ушын “KARAKALPAK PALACE HOTEL” ЖШЖ директоры Икрам Юлдашевқа “2024-жылда Саўда-санаат палатасының ең белсенди ағзасы” номинациясы, “LANKO MIYA” ЖШЖ директоры YANG DENG ке “2024-жылда ең көп жумыс орынын жаратқан исбилермен” номинациясы, “ATIYAJ-GULZAR” ЖШЖ директоры Азат Мустафаевқа “2024-жылда ең көп салық төлеген исбилермен” номинациясы, “LAN-C” ЖШЖ директоры Еркин Каленовқа “2024-жылдың ең белсенди экспортшысы” номинациясы, “DIYOR MARKET KUNGRAD” ЖШЖ директоры Зулфия Давлетяроваға “2024-жылдың ең белсенди исбилермен ҳаялы” номинациясы, “SHABBAS NUKUS” ЖШЖ директоры Адилбек Сапарниязовқа “2024-жылдың ең белсенди жас исбилермени” номинациясы, “BABAJANOV STUDIYASI” ЖШЖ директоры Рашид Бабажановқа “2024-жылдың ең креатив исбилермени” номинациясы бойынша сыйлықлар тапсырылды.

Илаж соңында исбилерменлерге Саўда-санаат палатасы Қарақалпақстан Республикасы басқармасы тәрепинен таярланған арнаўлы статуэткалар ҳәм саўғалар берилди.

Қарақалпақстан хабар агентлиги.