Қарарға бола, "Өзбекстанның сүт жетистириў тараўында қосымша қун шынжырын раўажландырыў (2-басқыш) " жойбарының тийкарғы мақсетли көрсеткишлери етип төмендегилер белгиленди.
Соннан:
- Жиззақ, Қашқадәрья, Сырдәрья, Самарқанд ҳәм Сурхандәрья ўәлаятларында жәми 320 мәҳәллеге, сүт жетистириўши 12 мың халық ҳәм дийқан хожалығына хызмет көрсетиўши 100 сүт жыйнаў пунктин шөлкемлестириў;
- 865 халық ҳәм дийқан хожалығына сүтти қайта ислеўши кәрханаларды шөлкемлестириў ҳәм модернизациялаўға 250 мың АҚШ долларына шекем жеңиллетилген кредитлер ажыратыўды шөлкемлестириў;
- сүт жетистириўши ҳәм сатып алыўшыларды бирлестиретуғын Миллий сүт өнимлери платформасы программалық тәмийнатын иске қосыў.
Жойбардың әмелге асыў мүддети 7 жыл (2025-2031-жыллар) етип белгиленген.
