Конференция транспорт тараўының келешегин додалаў ҳәм глобаллық өз-ара байланыслылықты жақсылаў ушын инновациялық шешимлер табыў мақсетинде экспертлер ҳәм қарар қабыл етиўшилерди бирлестиретуғын жетекши халықаралық майданға айланды, деп хабар береди "Дунё" МА.
Илажда транспорт министриниң орынбасары Жасурбек Чориев ҳәм "Өзбекстан темир жоллары" АЖ басқармасы баслығының биринши орынбасары Ҳикматилла Раҳметов басшылығындағы Өзбекстан делегациясы қатнасты.
Өзбекстан транспорт министриниң орынбасары "Халықаралық өз-ара байланыслылықты жаратыў: турақлы раўажланыўды тәмийинлеўде транспорт ҳәм инфраструктураның роли" темасында баянат жасады.
Ол өз баянатында транспорт инфраструктурасы турақлы раўажланыў, экономикалық өсиў ҳәм социаллық интеграция ушын оғада әҳмийетли екенин, транспорт байланыслылығын беккемлеў регионаллық интеграция ҳәм халықаралық саўданы кеңейтиўдиң тийкарғы факторы екенин атап өтти.
Сапар даўамында Өзбекстан делегациясы бир қатар сырт ел компаниялары менен нәтийжели сөйлесиўлер өткерди, технологиялар, инновациялар ҳәм қаржылай шешимлер тараўына қәнигелескен дүньяның ири компанияларының павильонларында болды.
