Түркменстан Сыртқы ислер министрлигиниң хабар бериўинше, Түркменстан эвакуация ушын өз аймағын берген. Мәмлекет Ираннан киятырған сырт ел пуқараларына гуманитарлық жәрдем көрсеткен.
Түркменстан шегарасын шама менен 120 пуқара - Қазақстан, Қырғызстан, Өзбекстан, Тәжикстан, Румыния ҳәм басқа да мәмлекетлердиң ўәкиллери кесип өткен. Оларға транспорт қураллары, аўқат, мийманхана ҳәм зәрүр күнделикли талаплар менен жәрдем көрсетилген.
Гуманитарлық жәрдем шеңберинде Түркменстанның тийисли мәмлекетлик уйымлары сырт мәмлекетлердиң елшиханалары ҳәм халықаралық шөлкемлер менен тығыз бирге ислеспекте, делинеди хабарда.
Түркменстан БМШ Бас ассамблеясы тәрепинен өз басламасы менен жәрияланған "Халықаралық тынышлық ҳәм исеним жылы"нда инсаныйлық, халықаралық бирге ислесиў ҳәм жақсы қоңсышылық принциплерине садық екенин атап өтти.