Ҳақыйқатында да, инсан өз имканиятларынан келип шығып, спорт пенен шуғылланып, денесин шынықтырып турса денсаўлығы ушын оғада пайдалы есапланады. Әсиресе, ҳәр күни азанда 15-20 минутлық дене шынығыўы ямаса 40-60 минут даўамында ашық ҳаўада пияда жүриў оғада пайдалы.
Бүгин Әжинияз атындағы Нөкис мәмлекетлик педагогикалық институтында ерте таңнан профессор-оқытыўшылар ҳәм студент-жаслар қатнасыўында азанғы дене шынықтырыў илажы шөлкемлестирилип, оған 1000 ға шамалас адамлар қатнасты.
Институтта жақында ғана пайдаланыўға тапсырылған заманагөй спорт комплекси ҳәм үлкен спорт майданы усы мақсетлерге ерисиў ушын тийкарғы база болып хызмет етпекте.
Минажатдин Қутлымуратов,
“Янги Ўзбкекистон” хабаршысы
