Ташкентте спорт гимнастикасы бойынша Жәҳән челленж кубоги өз жуўмағына жетти.
Атап өтилиўинше, финал ойынларының екинши күни беллесиўлеринде де Өзбекстан сайланды командасы ўәкиллери табыслы қатнасып, 2 алтын ҳәм 1 гүмис медалына ийе болды.
Алтын медаль:
Аҳрорхон Темирхонов (параллель брус)
Абдулазиз Мирвалиев (таянып секириў)
Гүмис медаль:
Одинахон Робижонова (балка)
Солай етип, жерлеслеримиз жарыс даўамында 4 алтын ҳәм гүмис, 1 бронза медалына ийе болды.
22-23-ноябрь күнлери Самарқанд қаласында көркем гимнастика бойынша «East Cup and Olympic Stars» халықаралық турнири болып өтеди. Онда Беларусь, Испания, Россия, Молдова, Түркия, Тәжикстан, Әзербайжан, Қазақстан, Қытай сыяқлы 12 мәмлекеттен ең күшли гимнастикашылар қатнасады.
Өзбекстан Республикасы Мектепке шекемги ҳәм мектеп билимлендириўи министриниң 2025-жыл 17-марттағы «Мектепке шекемги билимлендириў шөлкемлериниң педагог хызметкерлери ҳәм тәрбияланыўшылары арасында таңлаўлар, фестивальлар ҳәм жарысларды шөлкемлестириў ҳаққында»ғы 86-санлы буйрығын орынлаў мақсетинде, мектепке шекемги билимлендириў шөлкемлери тәрбияланыўшылары арасында «Гимнастикаға дәслепки қәдем» атамасында жарыстың Қарақалпақстан Республикалық басқышы өткерилди.
