Илаж еки тәреплеме ҳәм регионаллық бирге ислесиўди раўажландырыўда әҳмийетли басқыш болды, оған және де системалы ҳәм әмелий мазмун бағышлады.
Қатнасыўшылар Орайлық Азия мәмлекетлериниң бирлигин беккемлеў, регионның экономикалық потенциалын арттырыў ҳәм глобаллық ролин кеңейтиў мәселелерин додалады. Инвестициялық, технологиялық ҳәм саўда бирге ислесиўин раўажландырыў, оғада әҳмийетли шийки зат ресурслары, "жасыл" энергетика, климат басламалары, транспорт байланыслылығы ҳәм логистика тараўларындағы бирге ислесиўди кеңейтиў, исбилерменлер арасындағы сөйлесиўди тереңлестириўге айрықша итибар қаратылды.
"Бүгинги ушырасыў стратегиялық шерикликке жаңа пәт бағышлап, гезектеги "Орайлық Азия - Германия" саммитине мазмунлы нәтийжелер таярлаўға хызмет ететуғынына исенемиз.
Ушырасыўды жоқары дәрежеде шөлкемлестиргени ушын Германия сыртқы ислер министри Йохан Вадефул ҳәм оның жәмәәтине шын жүректен миннетдаршылық билдиремиз", - деп атап өткен Бахтиёр Саидов өзиниң телеграм каналында.
