Қарарға бола, 2025-жылы халықаралық финанс институтлары ҳәм сырт ел ҳүкиметлик финанс шөлкемлери (ХФИ/СҲФШ) қатнасыўындағы жойбарларды әмелге асырыў бойынша төмендеги мақсетли көрсеткишлер белгиленди:
- мәмлекет кепиллиги астында тартылатуғын кредитлер есабынан белгиленген муғдардағы қаржыларды өзлестириў;
- кепиллик берилмеген кредитлер есабынан белгиленген муғдардағы қаржыларды өзлестириў;
- белгиленген муғдардағы перспективалы инвестициялық жойбарларды әмелге асырыў имканиятларын үйрениў.
Бул мақсетли көрсеткишлерге ерисиўди тәмийинлеў ушын халықаралық ХФИ/СҲФШ қатнасыўындағы инвестициялық жойбарлар менен ислесиў бойынша Айрықша штаб ҳәм оның аймақлық штаблары шөлкемлестириледи.
ХФИ/СҲФШ қатнасыўындағы жойбарларды әмелге асырыў топарларын дүзиў әмелияты 2025-жыл 1-марттан баслап басқышпа-басқыш сапластырылады ҳәм барлық функциялары Жойбарды орынлаўшы агентликлердиң тийисли бөлимлерине жүкленеди.
2025-жыл 1-июньға шекем "Инвестициялық жойбарларды әмелге асырыўды қадағалаў ҳәм мониторинг етиў" автоматластырылған мәлимлеме системасы экспертизадан өткерилип, ХФИ/СҲФШ тәрепинен қаржыландырылатуғын жойбарлар шеңберинде электрон сатып алыўларды әмелге асырыў бойынша арнаўлы мәлимлеме порталы иске қосылады ҳәм санлы сатып алыў тәртип-қағыйдаларына өтиледи.
