Пәрманға бола, төмендегилер мийнет қатнасықлары ҳәм кәсипке оқытыў системасын жетилистириўдиң тийкарғы бағдарлары ҳәм мақсетлери етип белгиленди, соның ишинде:
- хызметкер ҳәм жумыс бериўши арасындағы мийнет қатнасықларының нәтийжели, әдил ҳәм өз-ара пайдалы системасын жаратыў;
- жумыс бериўшилердиң мүтәжлигине муўапық оларды маман кадрлар менен тәмийинлеў системасын енгизиў.
2025-жыл 1-сентябрьден жумыс бериўшилер ушын белгиленген төмендеги талаплар бийкар етиледи:
- бос жумыс орынларына бәнтлик уйымлары тәрепинен жиберилетуғын шахсларды жумысқа қабыл етпегенлиги ушын ҳәкимшилик жуўапкершилик;
- бос жумыс орынлары бар екенлиги ҳаққындағы есабатларды мәжбүрий усыныў.
