Нөкис районы ҳәкими З.Зайтов Италия мәмлекетиниң «MG Tanneru» инжиниринг компаниясы ўәкиллерин қабыллады.
Ушырасыў барысында сырт елден келген инвесторлар менен Нөкис районы аймағында тери ҳәм былғары аяқ кийим өнимлериниң үскенлерин ислеп шығарыў, аўысық бөлеклерди жеткерип ҳәм және бир қатар бағдарларда бирге ислесиў перспективалары додаланды.
Сөйлесиўлер даўамында район ҳәкими З.Зайтов районда санаат ислеп шығарыў жумысларын кеңейтиў ҳәм қайта ислеў кәрханаларының жумысларын жолға қойыў, ең баслысы, жаңа жойбарлардың иске түсирилиўи нәтийжесинде жумыс орынларын жаратыўға қаратылған ҳәр қандай басламаларды қоллап-қуўатлаўға таяр екенлигин билдирди.
Қарақалпақстан хабар агентлиги.
