Байрам мүнәсибети менен оларға азық-аўқат өнимлерин тапсырылды. Мәҳәллелерде жасаўшы социаллық жәрдемге мүтәж шаңарақлар ҳәм жалғыз баслы кекселер депутат пенен сәўбетлесип, пикир-усынысларын билдирди ҳәм көрсетилип атырған усындай итибар ушын Президентимизге ҳәм республикамыз басшыларына өзлериниң миннетдаршылығын билдирди.
– Кекселердиң пикир-усынысларын тыңлаў оларға итибар ҳәм меҳир көрсетиў – бизиң тийкарғы ўазыйпамыз. Ҳәр бир пуқараға жәрдем бериў, олардың турмыс шараятын жақсылаў ушын бар имканиятларымызды жумсаймыз,-дейди депутат А.Реймов. – Бундай ийгиликли ислер тек ғана байрам күнлери емес, ал жыл даўамында даўам еттирилиўи режелестирилген.
Қарақалпақстан хабар агентлиги.
