Ушырасыўда, кадрлар потенциалын раўажландырыў, Өзбекстаннан мийнет ресурсларын қаладағы ири санаат объектлерине тартыў бойынша бирге ислесиўди кеңейтиў мәселелери додаланды.
Ким Ду Гём Корея тарийхында биринши мәрте Өзбекстан пуқараларына қала мериясы арқалы әпиўайыластырылған тәртипте мийнет визаларын бериў механизмлери нәзерде тутылып атырғанын атап өтти.
Атап айтқанда, Улсан қаласы ҳәкимлиги тәрепинен Өзбекстан пуқаралары ушын бир қатар жеңилликлер енгизилмекте. Питкериўшилер үш айлық кәсиплик таярлық ҳәм тил үйрениў курсларын тамамлағаннан соң мийнет визасы алынады ҳәм жумысқа жайластырылады. Бундай механизм пилот жойбар сыпатында биринши мәрте қолланылмақта. Корея мери, егер нәтийже унамлы болса, басқа қалалар да Өзбекстан пуқаралары ушын усы механизмди енгизиўи мүмкин екенлигин түсиндирди.
Корея тәрепи Өзбекстан тәрепиниң Улсан кәрханаларында Өзбекстан пуқараларын шаңарақлары менен биргеликте, егер олар нызамсыз жағдайға келип қалмаған болса, шөлкемлескен түрде жумысқа жайластырыў имканияты ҳаққындағы сораўын көрип шығыўға таяр екенин билдирди.
Өзбекстан пуқараларын Корея экономикасының санаат ҳәм басқа да тармақларына жумысқа тартыў бойынша бирге ислесиў бойынша бир қатар келисимлерге ерисилди.
