Жарыстың екинши күнинде -80 кг салмақ категориясында қатнасқан ўатанласымыз Жасурбек Жайсунов алтын медалды қолға киргизди.

Барлық беллесиўлерде қарсыласларынан шеберлик жағынан үстинлик көрсеткен Жайсунов финалда да майдан ийесине ҳеш қандай имканият қалдырмады ҳәм келеси жылы өткерилетуғын тийкарғы жарыстың қатнасыўшысына айланды. Еслетип өтемиз, биринши күндеги беллесиўлерде Шуҳрат Салаев (+80 кг) гүмис медалды қолға киргизген еди.

Енди ўатанласларымыз ертең өткерилетуғын командалық бағдарламада жәҳән кубогиниң финалында қатнасады, деп хабар береди OlympicUz.