Жиззақ ўәлаяты ИИБ баспасөз хызметиниң хабарына бола, инспектор Ғаллаорол районындағы ЖПХ пунктинде хызмет алып барып атырған ўақытта айдаўшыларды тоқтатып, оларды мәсликте айыплаған. Оның тийкарғы қуралы - қурылмадағы жалған нәтийжелер ҳәм айдаўшылардың ҳуқықый билимсизлиги болған.
Ўақыя деталларына бола, инспектор Lacetti маркалы автомобиль басқарыўшысын тоқтатып, тексериў өткерген. Хызметкер айдаўшыларды алдап, алкотестер гүмансыз 72 саат (3 сутка) ишинде ишкен спиртли ишимликти анықлай алатуғынын айтқан. Айдаўшы ишпегенин атап өткен болса да, хызметкер оған алкотестердиң "оң" нәтийжесин көрсеткен.
Хызметкер протокол рәсмийлестирмеў ушын 1 миллион сум талап етилген. Илажсыз қалған айдаўшы 500 мың сумды инспектор көрсеткен банк картасына өткерип берген.
Оператив сорастырыўлар даўамында қызықлы жағдай анықланды: пуллар өткерилген банк картасы ЖПХ посты жанындағы жәрийма майданшасы хызметкерине тийисли болып шықты. 48 жаслы бул пуқара инспектор менен тил бириктирип, жынайый дәраматларды жыйнаўда жәрдем берген.
Ҳәзирги ўақытта бул жағдай бойынша хызмет тексериўи жуўмақланған. Топланған ҳүжжетлер ЖПХ хызметкериниң ҳәрекетлерине нызамлы баҳа бериў ҳәм жынаят иси қозғатыў мәселесин шешиў ушын прокуратура уйымларына усынылды.
