Жиззақ қаласы 1-санлы қәнигелестирилген мектеп-интернатының питкериўши оқыўшысы Гулмира Сагдуллаева АҚШтың 5 абырайлы университетинен үлкен муғдардағы грант утып алды.
Атап өтилиўинше, Гулмира өзиниң билими менен;
"The University of Arizona" – 50 000 АҚШ доллары
"The University of Saint Louis" – 26 400 АҚШ доллары
"Arizona State University" – 44 000 АҚШ доллары
"University of Kentucky" – 40 000 АҚШ доллары
"Colorado State University" – 40 000 АҚШ доллары муғдарында грант утып алды.
Буннан тысқары, және 6 халықаралық университет Гулмираны студентликке қабыл етиўге таяр, - делинеди хабарда.
Рамазан ҳайыты қарсаңында Әжинияз атындағы Нөкис мәмлекетлик педагогикалық институтында жаңадан қурып питкерилген студентлер турақ жайы, спорт комплекси ҳәм үлкен спорт майданлары пайдаланыўға тапсырылып, рәмзий ленталары кесилди.
Өзбекстан Республикасы Президентиниң 2025-жыл 14-февралдағы ПҚ-61-санлы «Жоқары оқыў орынлары питкериўшилериниң жумысқа орналасыўына көмеклесиў бойынша қосымша илажлар ҳаққында»ғы қарары тийкарында, Бердақ атындағы Қарақалпақ мәмлекетлик университетинде «Келешекке қәдем орайы» өз жумысын баслады.
Онда талабанлар өз арзалары менен ҳәр жылы 20-июльға шекем жоқары билимлендириў шөлкеминиң рәсмий веб-сайты арқалы дизимнен өтеди. Нәтийжелер ҳәр жылы 5-сентябрьге шекем жәрияланады.
Бул жеңиллик абитуриент дизимнен өтиўде таңлаған биринши бакалавриат тәлим бағдарына ҳәм усы тәлим бағдарына кириўде Мәмлекетлик комиссия тәрепинен мәмлекетлик грантқа белгиленген минимал өтиў балы ҳәм оннан жоқары балл топлаған абитуриентлерге қолланылады.
Ҳүкиметтиң тийисли қарары (№149, 10.03.2025) менен Жоқары билимлендириў шөлкемлеринде студентлерге грантларды усыныў ҳәм қайта бөлистириў тәртиби ҳаққындағы реже тастыйықланды.
Нөкис мәмлекетлик техника университетинде миллетлер аралық дослық ҳәм татыўлықты беккемлеў, жаслар арасында ана-Тәбиятқа деген сүйсипеншиликти күшейтиў ҳәм олардың экологиялық билимлерин арттырыў мақсетинде, «Әссалам Бәҳәр!» атамасында саз-сәўбетли, руўхый-ағартыўшылық илаж болып өтти.
