Оған район басшылары, нураныйлар ҳәм ертеңги келешегимиз болған жас әўлад ўәкиллери қатнасты.
Кешеде район ҳәкими А.Камалов илаж қатнасыўшыларын жаңа жыл байрамы менен қутлықлап, балаларға өзиниң ең жақсы тилеклерин билдирди.
Буннан соң кешеде район басшылары ҳәм тийисли тараў ўәкиллери тәрепинен аймақта жасаўшы 13 балаға «Президент саўғалары» тапсырылды.
Байрам кешеси районлық мәденият бөлими хызметкерлери ҳәм талантлы балалар тәрепинен таярланған концерт бағдарламасы менен даўам етти.
Әлбетте, көрсетилип атырған бундай итибар, балаларымызды шексиз қуўанышқа бөледи, -дейди Кегейли районлық мектепке шекемги ҳәм мектеп билимлендириўи бөлиминиң баслығы Қуўатбай Бекимбетов.
Жаңа жыл байрамына арналған бундай кешелер пүткил район аймағы бойлап даўам етпекте.
Адилбай Оразов,
Қарақалпақстан хабар агентлиги шолыўшысы.
