Сөйлесиўлер ўақтында Өзбекстанда "Meta" компаниясының ўәкилханасын ашыў перспективалары, компания платформаларында рекламаларды алға қойыў ҳәм жайластырыўда алдаўшылықтың алдын алыў тараўында бирге ислесиўди раўажландырыў, сондай-ақ, контентти монетизциялаў ҳәм мәмлекетимизде санлы контент жаратыўшыларды қоллап-қуўатлаў мәселелери додаланды.
Мета тәрепинен ушырасыўда Қубла ҳәм Орайлық Азия ушын мәмлекетлик сиясат мәселелери бойынша директор - Сарим Азиз, Орайлық Азия, Монголия, Шри-Ланка ҳәм Малдив мәмлекетлери ушын мәмлекетлик сиясат мәселелери бойынша басшы - Сенура Абевардена, Орайлық Азия, Гонконг ҳәм Тайван мәмлекетлери ушын ҳүкиметлер менен бирге ислесиў ҳәм социаллық басламалар бойынша басшы - Аурора Ли, Орайлық Азия ҳәм Монголия мәмлекетлик сиясат мәселелери бойынша регионаллық менеджер - Ерасыл Қалихан қатнасты.
Тәреплер санлы платформаларды тәртипке салыў, пайдаланыўшыларды қорғаў ҳәм әдил монетизация системасын раўажландырыў тараўында тиккелей сөйлесиў ҳәм тәжирийбе алмасыўды жолға қойыў әҳмийетли екенлигин атап өтти. Санлы қәўипсизлик, рекламаның ашық-айдынлығы ҳәм жуўапкершиликли санлы минез-қулықты алға қойыў мәселелерине айрықша итибар қаратылды.
Ушырасыў жуўмағында бирге ислесиўди даўам еттириў ҳәм бирге ислесиўдиң анық бағдарларын ислеп шығыў бойынша келисимге ерисилди.
