Өзбекстан жеңил атлетикашылары Азия чемпионатында еки алтын медальға ийе болды

Спорт 19 май 2026, 08:38 556

Қытайдың Чунцин қаласында жеңил атлетиканың секириў түрлери бойынша Азия чемпионаты болып өтпекте. Биринши мәрте өз алдына форматта өткерилип атырған жарыстың дәслепки күнинде Өзбекстан сайланды командасы еки алтын медальды қолға киргизди.

Бийикликке секириў секторында Барнохон Сайфуллаева 1,83 метр нәтийже менен Азия чемпионы болды.

Узақлыққа секириў беллесиўлеринде 8,06 метр нәтийже менен жеңимпаз болған Анвар Анваров сайланды командамызға және бир алтын медальды алып келди. Буннан алдын спортшымыз "Бриллиант лигасы"ның биринши басқышы жеңимпазлары қатарынан орын алған еди.