Қарарға бола, төмендегилер белгиленди:
- лимон жетистириўге қәнигелескен аймақларда халықтың үйлеринде ҳәм ижараға берилген жер майданларында ықшам ыссыханалар қурып бериў және 3 жыллық жеңиллетилген дәўир менен 7 жылға шекем бөлип-бөлип төлеў шәрти менен сатыў;
- сырт мәмлекетлерден лимон мийўесинен қайнатпа, джем ҳәм лимонад ислеп шығарыў үскенелерин алып келиў, орнатыў ҳәм исбилерменлерге лизинг тийкарында бериўди жолға қойыў;
- әмелдеги кредитлер ҳәм процент қарыздарлықларын қайта қаржыландырыў арқалы лимоншылық хожалықларының жумысын жеңиллетилген шәртлерде саламатландырыў.
Сондай-ақ, Нарын, Шаҳрисабз, Учкўприк ҳәм Денов районларындағы биреўден мәҳәллени илимий тийкарланған қатнас тийкарында лимон нәллерин жетистириўге қәнигелестириў және бул районларда 1 миллион дана сапалы лимон нәлин жетистириў жолға қойылады.
2025-жылдың ақырына шекем дийқан хожалықлары ҳәм халықтың қыйтақ жерлеринде бар лимон жетистирилетуғын жер майданлары толық хатлаўдан өткериледи ҳәм мағлыўматлар “Оnline mahalla” электрон платформасына киргизиледи.
Буннан тысқары, лимонның суўыққа ҳәм қурғақшылыққа шыдамлы сортларын жаратыў және олардың нәлин жедел көбейтиўге қаратылған мақсетли фундаменталлық, әмелий ҳәм инновациялық жойбарлар таңлаўы жәрияланады.
