Халықаралық стратегиялық әҳмийетке ийе “А-380” жолының Қоңырат районы аймағынан өтиўши 861-884-километрлик бөлегиниң еки бойын абаданластырыў арқалы мәдений зонаға айландырыў, аймақлардың азадалығын тәмийинлеў илажлары да көрилмекте.
Район ҳәкими Б.Мадаминовтың басшылығында трасса бойындағы жер майданлары жәми райондағы 36 мәкеме, шөлкемлерге бөлип берилип, ҳәзирги күнде абаданластырыў, шор жуўыў, егиске таярлаў ҳәм егиў жумыслары алып барылмақта.
Нәтийжеде бул трасса бойында дала мәдениятының қәлиплесиўине ҳәм пайызлы микроклимат жаратылыўына тийкар жаратылады.
Қарақалпақстан хабар агентлиги.
