Стратегиялық реформалар агентлиги ҳәм Туризм комитетиниң басламасы менен "UZBEKISTAN THE GOLDEN ROAD" ҳүжжетли фильми жаратылды.
Картина британиялы белгили илимпаз, жазыўшы ҳәм телебаслаўшы Беттани Хьюз тәрепинен "TREASURES OF THE WORLD" ("Дүнья ғәзийнелери") сериалы шеңберинде сүўретке алынған. Онда елимиздиң тарийхы ҳәм тәбияты заманагөй кинематографиялық эффектлер тийкарында көрсетилген.
Фильм премьерасы бүгин, 18-октябрь күни Лондон ўақты менен саат 19:00 де Британияның "Channel 4" телеканалында болып өтеди.
Фильм жақын арада Өзбекстанда да көрсетилиўи режелестирилген.
Өзбекстан ҳәм Түркменстанның биргеликте сүўретке алынған "Махтумқулы пырағы" кино картинасы халықаралық сыйлықларды исенимли қолға киргизип келмекте. Фильм Лондон ҳәм Қазанда тән алынғаннан соң Болгария телевидение, кино ҳәм интернет коммуникациялары академиясы (АТКИК) тәрепинен шөлкемлестирилген ХIII халықаралық кинофестивальда Гран-при менен сыйлықланды.
Өзбекстан ҳәм Түркменстан бирге ислесиўинде жаратылған "Мақтымқулы пырағы" фильми Қазан қаласында болып өткен "Алтын минбер" ХХI халықаралық кинофестивалында "Россия - Ислам дүньясы" бағдарламасының дипломы менен сыйлықланды.
Бүгин Европа Аўқамының Өзбекстандағы елшиси Тойво Клаар басшылығындағы делегация ўәкиллери Қарақалпақстан медицина институтында болды. Мәдений илажлардан соң институттың мәжилислер залында делегация ўәкиллери менен ушырасыў шөлкемлестирилди.
