Россия Федерациясы Волгаград қаласында жас өспиримлер арасында қылышласыў спорты бойынша Россия чемпионаты болып өтти.
Чемпионатқа Өзбекстан сайланды командасы қурамында қарақалпақстанлы спортшылар да табыслы қатнасып қайтты.
Атап айтқанда, Нөкис олимпия ҳәм паралимпия спорт түрлеринен таярлаў орайының тәрбияланыўшысы Наргиза Утебаева финалда москвалы Александра Сентюшкина менен беллесип, өз қарсыласын 15:10 есабында жеңип шығыўға миясар болды ҳәм алтын медаль ийесине айланды.
Адилбай Оразов,
Қарақалпақстан хабар агентлиги шолыўшысы.
Әжинияз атындағы Нөкис мәмлекетлик педагогикалық институты жәмәәти ҳәм студент-жаслары елимизде экологиялық турақлылықты тәмийинлеў, қоршаған орталықты қорғаў ҳәм бул арқалы халықтың турмыс тәризин жақсылаўға бағдарланған «Жасыл мәкан» улыўма миллий жойбары шеңбериндеги абаданластырыў және көклемзарластырыў жумысларын даўам еттирмекте,-деп хабар бермекте институттың баспасөз хаткери И.Мәтеков.
Өзбекстан Халық демократиялық партиясы Қараөзек районлық Кеӊеси баслығы, 7-«Шайханакөпир» сайлаў округинен районлық Кеӊес депутаты Р.Қармысованыӊ басламасы менен аймақ пуқараларына «Саламат әўлад ушын» халықаралық қайырқомлық фонды Қарақалпақстан Республикасы филиалы тәрепинен медициналық тексериў шөлкемлестирилди.
Алдын хабар бергенимиздей, мобиль тәжирийбе арттырыў хызметлери тийкарында шөлкемлестирилген автобус республикамыздың алыс ҳәм шетки аймақларында жайласқан мектепке шекемги билимлендириў шөлкемлериниң педагог кадрлары ушын өз хызметин баслады.
