Жәми халықтың 51 проценти (19,4 млн адам) қалаларда, 49 проценти (18,7 млн адам) аўыллық жерлерде жасайды. Халықтың тығызлығы 1 км2 жерге 84,8 адамнан туўра келеди. Еркеклер 19,17 млн адамды (50,4%), ҳаяллар 18,9 млн адамды (49,6%) қурайды.
2025-жылдың январь-сентябрь айларында мәмлекетимизде 664,6 мың бала туўылған болып, бул көрсеткиш өткен жылға салыстырғанда 29,3 мыңға аз. Туўылыў коэффициенти 23,5% ти қурады. Жаңа туўылғанлардың 343,6 мыңын (51,7%) ул балалар ҳәм 321,0 мыңын (48,3%) қыз балалар қурайды. Аўыллық жерлерде 345,3 мың (52,0%) туўылыў, қалаларда 319,3 мың (48,0%) дизимге алынған.
Усы дәўирде 132,2 мың адам қайтыс болған, бул бир жыл алдынғыға салыстырғанда бираз көп. Өлим коэффициенти 4,7‰ ди қурады. Қайтыс болғанлардың 55 процентин (72,7 мың адам) еркеклер, 45 процентин (59,5 мың адам) ҳаял-қызлар қурайды. Усы дәўирде халықтың тәбийғый өсиўи 532,4 мың адамды қурады.
2025-жылдың тоғыз айында сыртқы миграция бойынша унамсыз сальдо дизимге алынған: мәмлекетке 1 133 адам келген, 7 585 адам сырт елге шыққан. Аймақлар арасында ишки миграция 210,1 мың адамды қураған. Жәми 211,3 мың адам келген (ишки ҳәм сыртқы миграцияны есапқа алған ҳалда), 217,7 мың адам кеткен.
Январь-сентябрь айларында 177,0 мың неке дизимге алынған болып, бул көрсеткиш өткен жылдың усы дәўирине салыстырғанда 2,4 мыңға аз. Соннан 51,5 проценти қалаларда (91,2 мың), 48,5 проценти аўыллық жерлерде (85,8 мың). Ажырасыўлар саны 35,4 мыңды, ажырасыў коэффициенти 1,3‰ ди қурады. Бул көрсеткиш өткен жылға салыстырғанда 1,4 мыңға артқан. Ең көп ажырасыўлар қалаларда - 60,4% (21,4 мың), аўыллық жерлерде - 39,6% (14,0 мың) ди қурайды.
Солай етип, Өзбекстан халқы саны турақлы өсип бармақта. Көбейиўдиң тийкарғы факторы тәбийғый өсиў болып қалады, қала ҳәм аўыл халқы арасындағы бөлистириў тең салмақлылықты сақлайды.
