"Нефтчи" (Ферғана) - "Алга" (Бишкек) - 6:2 (Жумаев, 44, Фомин, 51, Сарсенбаев, 66, Исмоилов, 74, Искандеров, 85, Джокич, 90 -Терзи, 33, Мерк, 60).
Бул ҳаққында "Нефтчи" ПФК телеграм каналы хабар бермекте.
Биринши бөлимде "Нефтчи" төмендеги қурамда ойнады: Акбар Тўраев, Муҳаммадқодир Расулжонов, Нурмуҳаммад Абдуғаниев, Муҳсин Убайдуллаев, Азиз Муротов, Азиз Еримбетов, Рустамбек Фомин, Владимир Йовович, Асилбек Жумаев, Далек Тўқсанов, Зоран Марушич.
Екинши таймға Ботарил Эргашев, Иззатилло Пулатов, Анвар Ғофуров, Боян Сигер, Фаррух Сайфиев, Икром Алибоев, Йован Жокич, Жамшид Искандеров, Хуршид Ғиёсов, Нурбек Сарсенбаев, Стипе Перицлар шықты.
Биринши бөлимде есапты 33-минутта "Алга"дан Евгений Терзи ашты. Буннан кейин оны өзимиздиң Асылбек Жумаев теңлестирди, екинши бөлимде Рустамбек Фомин табысты раўажландырды, бирақ Кай Мерк теңлестирди.
Буннан кейин тек ғана өзимиздиң футболшыларымыз - Нурбек Сарсенбаев, Аброр Исмоилов, Жамшид Искандеров ҳәм Йован Жокич гол урды.
Айтпақшы, Германияда туўылған 27 жаслы Кай Мерк әкеси Қырғызстанда туўылғаны себепли Қырғызстан пуқаралығын алған. Өзиниң иниси, 21 жаслы Кими Мерк пенен бирге Қырғызстан сайланды командасында ойнайды. 2023-жылғы Азия кубогының үш ойынында да қатнасты.
Украинадан келген легионер, Одессада туўылған 28 жаслы Евгений Терзи жергиликли "Жемчужина"да ойнады. Қырғызстанға Грецияның "Тиликратис" клубынан келген.
Үшинши голдың авторы Нөкис қаласында туўылған Нурбек Сәрсенбаев болды. Ол Өзбекстан сайланды командасы қурамындағы 17 жасқа шекемги жаслар арасында Азия чемпионы.
