Мәмлекетимиз басшысы Акаба процеси шеңберинде Орайлық Азия жетекшилериниң жасалма интеллект тараўында қәўипсизликти тәмийинлеў, оннан террористлик ҳәм экстремистлик мақсетлерде пайдаланыўға қарсы гүресиў, жаңа технологиялық қәўип-қәтерлерге қарсы гүресиўде халықаралық ҳәм регионаллық бирге ислесиўди беккемлеў мәселелерине бағышланған ушырасыўында қатнасады.
Акаба процеси – 2015-жылы Патша Абдулла II тәрепинен терроризм ҳәм экстремизмге қарсы гүресиўде халықаралық бирге ислесиўди беккемлеў, қәўипсизликти тәмийинлеў тараўында тәжирийбе алмасыў ҳәм биргеликтеги ҳәрекетлерди муўапықластырыўға қаратылған халықаралық баслама болып есапланады.
