Инвестициялық жойбар 75 мың АҚШ доллары болған киши ГЭС қурыў жумыслары жуўмақланыў алдында.
Жойбар қуўатлылығы 150 МВт, жыллық өндирислик қуўатлылығы болса 648 мың кВт. Заманагөй, жоқары нәтийжели гидроагрегатлар орнатылып, инсан факторысыз толық автоматластырылған система арқалы ислейди.
Тийкарғы суў дереги Маргуненкко каналы болып, каналдың суў қәдди кемейсе де ГЭСтиң ислеў имканияты бар. Жойбар усы жылдың 1-март күнине шекем иске қосылыўы режелестирилген. Нәтийжеде аймақтағы 672 шаңарақ үзликсиз, экологиялық таза электр энергиясы менен тәмийинленеди.
Раўажланыў ҳәм тиклениў фонды тәрепинен 10 млн доллар муғдарындағы кредит линиясы ҳәм Жәҳән банкинен тартылатуғын 150 млн доллар муғдарындағы жеңиллетилген кредитлер МикроГЭСлер қурылысы менен байланыслы қәрежетлерге қаратылады.
Қытай Халық Республикасында болып турған Самарқанд ўәлаяты ҳәкими ўазыйпасын атқарыўшы А.Бобоев Тянцзин қаласында "Tianjin Pump Machinery Group" ҳәм де "Tianjin Baili Equipment Group" кәрханаларының басшылары менен ушырасыўда усындай келисимге еристи.
