2024-жылы Франциядан Өзбекстанға келген туристлер саны 2023-жылға салыстырғанда 4 742 ге артқан.
Статистика агентлигиниң дәслепки мағлыўматларына қарағанда, 2024-жыл даўамында Франциядан Өзбекстанға 23 390 турист келген.
2024-жылда Франциядан Өзбекстанға келген туристлердиң тийкарғы сапар мақсетлери:
- саяхат - 20 948 адам
- туўысқанларды барлаў - 1 186 адам
- хызмет бойынша - 1 131 адам
- коммерциялық - 67 адам
- оқыў - 58 адам
Мәмлекетимиз басшысының Францияға мәмлекетлик сапары алдынан Париж қаласында усы елдиң “Orano Mining” компаниясы, Японияның “ITOCHU” корпорациясы ҳәм Өзбекстанның “Navoiyuran” мәмлекетлик кәрханасы арасында Наўайы ўәлаяты Тамды районы аймағында жайласқан "Жонгелди" кәнинде 2025-жылдың ақырына шекем уран ислеп шығарыўды баслаў ҳәм әмелге асырылып атырған басқа да қоспа жойбарлар тийкарында геология-излеў жумысларын жеделлестириў мақсетинде үш тәреплеме келисимге қол қойылды.
Усы жыл 10-мартта Өзбекстан Республикасы инвестициялар, санаат ҳәм саўда министри Лазиз Қудратов Өзбекстан Республикасы ҳәм Франция раўажланыў агентлиги (FTA) арасындағы 6 жыллық мәсләҳәтлесиўлерде қатнасты. Ушырасыўда, сондай-ақ, FTA, Proparco ҳәм Expertise France ўәкиллери, жетекши экспертлер ҳәм исбилерменлер қатнасты.
2025-жыл 30-январьда Ташкент қаласында Францияның AIRBUS, Experto Consulting, Iveco Group, MND, Roxalex, Suez, Société Générale, ALSTOM, Veolia, nergy, EDF International Networks, Voltalia, Total Energies сыяқлы 50 ден аслам ири компанияларының ўәкиллери қатнасыўында Өзбекстан-Франция бизнес форумы болып өтти.
Францияның Париж қаласында Өзбекстан таллаў орайларының делегациясы "Орайлық Азиядағы интеграция процесслериниң әҳмийетли мәселелери ҳәм Өзбекстан ҳәм Европа Аўқамы арасындағы қарым-қатнасты кеңейтиў" темасындағы дөгерек сәўбетинде қатнасты, сондай-ақ, сапар шеңберинде европалы бирге ислесиўшилер менен бир қатар ушырасыўлар өткерилди.
