Әзербайжан жетекшиси мәмлекетимиз басшысын туўылған күни менен қызғын қутлықлап, беккем денсаўлық, бахыт-ығбал ҳәм жуўапкершиликли мәмлекетлик жумысында жаңа табыслар, Өзбекстанның көп миллетли халқына болса тынышлық-парахатшылық, абаданлық ҳәм раўажланыў тиледи.
Өзбекстан - Әзербайжан стратегиялық шериклик ҳәм аўқамласлық қатнасықларын және де беккемлеў мәселелери көрип шығылды.
Ҳәр қыйлы дәрежедеги байланыслар даўам етпекте.
Өткен ҳәптеде Ташкент қаласында болып өткен Ҳүкиметлераралық қоспа комиссия ҳәм Исбилерменлер кеңеси мәжилислериниң пайдалы нәтийжелери қанаатланыўшылық пенен атап өтилди.
Болажақ жоқары дәрежедеги саммитке пуқта таярлық көриў, оның экономикалық күн тәртибин анық жойбарлар ҳәм бағдарламалар менен байытыў әҳмийетли екени атап өтилди.
