Еки мәмлекет ҳүкиметлери атынан ҳүжжетке Өзбекстанның БМШтағы турақлы ўәкили Улуғбек Лапасов ҳәм Науруниң БМШтағы турақлы ўәкили Лара Эраб Даниел қол қойды.
Тәреплер халықаралық шөлкемлер, соның ишинде, БМШ ҳәм оның қәнигелескен мәкемелери шеңберинде биргеликтеги бирге ислесиўди күшейтиўге таяр екенин билдирди.
Сиясий, саўда-экономикалық ҳәм мәдений-гуманитарлық тараўларда бирге ислесиўдиң өз-ара пайдалы бағдарларын табыў ушын еки тәреплеме байланысларды жеделлестириў бойынша келисимге ерисилди.
Ҳүжжеттиң қол қойылыўы Өзбекстан менен сырт мәмлекетлер арасындағы бирге ислесиўди жеделлестириўде әҳмийетли қәдем болды.
Усы тәризде, Науру Республикасы Өзбекстан менен дипломатиялық қатнасықлар орнатқан 159-мәмлекет болды.
