Өзбекстан делегациясының Пакистан Ислам Республикасына сапары шеңберинде 12-февраль күни Өзбекстан Саўда-санаат палатасының жуўапкер хызметкерлери ҳәм "Өзбекстан пал ҳәррешилери" ассоциациясының баслығы Эркин Назаров Пакистанның “Adam Tradi” ҳәм “Marhaba” пал өнимлерин қайта ислеў кәрханаларында болды.
Мийманлар кәрханалардың өндирис цехлары ҳәм лабораторияларындағы процесслерди жақыннан бақлады.
Сондай-ақ, сапар шеңберинде пал өнимин жетистириў ҳәм қайта ислеў менен шуғылланыўшы кәрханалардың басшылары менен ушырасыўлар өткерилди.
"Сөйлесиўлер ўақтында Өзбекстанда пал өнимлериниң жетерли резерви бар екенлиги ҳәм оны экспорт етиў имканиятлары додаланды. Биринши басқышта 5 тонна, кейин ала басқышпа-басқыш 20 тоннадан пал ҳәм пал ҳәррешилик өнимлерин Пакистанға экспорт етиў мәселелери көрип шығылды, деп хабар берди Саўда-санаат палатасының мәлимлеме хызмети.
