Өзбекстан Республикасы Президенти Шавкат Мирзиёевтиң Габала қаласына әмелий сапары жуўмақланды.
Бүгин Өзбекстан жетекшиси Түркий мәмлекетлер шөлкеминиң гезектеги саммитинде қатнасып, көп тәреплеме бирге ислесиўди буннан былай да беккемлеў ҳәм кеңейтиўге қаратылған бир қатар әҳмийетли басламаларды алға қойды.
Сапар илажлары жуўмақланғаннан соң, мәмлекетимиз басшысы Ташкентке жөнеп кетти.
Габала халықаралық аэропортында жоқары мәртебели мийманды Әзербайжан Президенти Илҳам Алиев шығарып салды.
Өзбекстан Республикасы Президенти Шавкат Мирзиёев 12-декабрь күни Ашхабад қаласында Түркменстан турақлы бийтәреплигиниң 30 жыллығы, Халықаралық бийтәреплик күни ҳәм 2025-жылдың "Халықаралық тынышлық ҳәм исеним жылы" деп жәрияланыўына бағышланған халықаралық форумда қатнасты.
Түркменстан Президенти, ҳүрметли Сердар Гурбангулиевич Бердимуҳамедовқа ҳәм Түркмен халқының миллий жетекшиси, Халық Мәсләҳәти Баслығы, қәдирли туўысқаным, ҳүрметли Гурбангули Мяликгулиевич Бердимуҳамедовқа шын жүректен қабыллағаны ҳәм бүгинги форумды жоқары дәрежеде шөлкемлестиргени ушын терең миннетдаршылық билдиремен.
Өзбекстан Республикасы Президенти Шавкат Мирзиёев 11-декабрь күни Ашхабад қаласына келгеннен соң Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедов пенен ушырасыў өткерди.
Өзбекстан Республикасы Президенти Шавкат Мирзиёев Түркмен халқының миллий жетекшиси, Түркменстан Халық Мәсләҳәти Баслығы Гурбангули Бердимуҳамедовтың мирәт етиўине бола 11-декабрь күни әмелий сапар менен Ашхабад қаласына жөнеп кетти.
