Еки тәреплеме бирге ислесиўдиң бүгинги жоқары дәрежеси үлкен қанаатланыўшылық пенен атап өтилди. Өз-ара саўда ҳәм инвестициялар көрсеткишлери артпақта, қоспа кәрханалар, тиккелей авиақатнаўлар саны көбеймекте.
Түркия компанияларының елимиздеги нәтийжели жумысы, олар менен биргеликте улыўма қуўатлылығы 1,8 гигаватт болған 1 миллиард долларлық заманагөй электр станцияларын қурыў жойбарлары табыслы әмелге асырылғаны айрықша атап өтилди.
Энергетика ҳәм геология тараўларында, соның ишинде, заманагөй технологияларды локализациялаў, энергия үскенелерин ислеп шығарыў, тарқатыў тармақларын басқарыўды жетилистириў, перспективалы кәнлерди биргеликте өзлестириў ҳәм тараўға қәнигелескен кадрларды таярлаў бойынша жаңа кооперациялық жойбарларды алға қойыўға айрықша итибар қаратылды.
Өзбекстан Республикасы Президенти Шавкат Мирзиёев 5-декабрь күни Түркия Республикасының энергетика ҳәм тәбийғый ресурслар министри Алпарслан Байрактар басшылығындағы делегацияны қабыллады.
Ушырасыўда Түркияның жетекши «AKSA» компаниясы басшылары Жемиль Казанчи ҳәм «Cengiz Energy» компаниясы басшысы Ахмет Ченгиз де қатнасты.
Ушырасыў алдынан жоқары мәртебели мийман мәмлекетимиз басшысына Түркия Президенти Режеп Таййип Эрдоғанның сәлеми ҳәм қызғын тилеклерин жеткерди.
