Өзбекстан Республикасы Президенти Шавкат Мирзиёев рәсмий сапар менен Токио қаласына келди.
"Ханэда" халықаралық аэропортында мәмлекетимиз басшысын Япония ишки ислер ҳәм коммуникациялар министри Ёшимаса Хаяши ҳәм басқа да рәсмий шахслар күтип алды.
Сапардың тийкарғы илажлары 19-20-декабрь күнлери болып өтеди. Өзбекстан Президенти Япония Императори Нарухито, Бас министр Санаэ Такаичи ҳәм басқа да рәсмий шахслар, исбилермен топарлар ҳәм академиялық жәмийетшилик ўәкиллери менен ушырасыўлар өткереди.
Өзбекстан жетекшиси "Орайлық Азия + Япония" сөйлесиўиниң биринши саммитинде де қатнасады.
Президент Шавкат Мирзиёев 17-декабрь күни пуқаралар ҳәм исбилерменлердиң конституциялық ҳуқықларын қорғаў механизмлерин жетилистириў, Конституциялық суд жумысын санластырыў мәселелери бойынша презентация менен танысты.
Өзбекстан Республикасы Президенти Шавкат Мирзиёев 17-декабрь күни Корея Республикасы ҳәм Орайлық Азия мәмлекетлери парламентлери басшыларының үшинши мәжилисинде қатнасыў ушын мәмлекетимизге келген Спикер У Вон Шик басшылығындағы Корея Республикасы Миллий Ассамблеясы делегациясын қабыллады.
Президент Шавкат Мирзиёевтиң басшылығында 16-декабрь күни Ташкент қаласын комплексли социаллық-экономикалық раўажландырыў, қала орталығын жақсылаў ҳәм халық ушын мүнәсип турмыс шараятларын жаратыў мәселелерине бағышланған мәжилис болып өтти.
