Ушырасыў алдынан жоқары мәртебели мийман мәмлекетимиз басшысына Саудия Арабстаны Патшасы Салмон Ол Сауд ҳәм Мийрасхор, мәмлекет Бас министри Муҳаммад Ол Саудтың сәлеми ҳәм қызғын тилеклерин жеткерди. Министр, сондай-ақ, Патшаның көп миллетли Өзбекстан халқына саўғасы - муқаддес Каъаба жабыўы кисўасының бир бөлегин тапсырды.
Өзбекстан жетекшиси, өз гезегинде, Саудия Арабстаны басшылығына бийбаҳа саўға және зыяратшыларымыздың мусылман дүньясының орайлары - Мекке ҳәм Мадинада болыўы ушын жаратылған имканиятлар ҳәм қолайлы шараятлар ушын терең миннетдаршылық билдирди. Тек ғана өткен жылдың өзинде 800 мыңнан аслам пуқараларымыз Умра зыяратын, 15 мыңы Ҳаж ибадатын орынлады.
Сөйлесиў ўақтында өзбекстанлы зыяратшыларға шараятлар ҳәм көрсетилип атырған хызметлердиң сапасын буннан былай да жақсылаў, олардың Саудия Арабстанына сапар етиўи қәўипсиз ҳәм қолайлы болыўын тәмийинлеў мәселелерине айрықша итибар қаратылды.
