"Эсенбога" халықаралық аэропортында жоқары мәртебели мийманларды Түркия Республикасы Президенти Режеп Тайип Эрдоған өмирлик жолдасы менен күтип алды.
Еки мәмлекеттиң мәмлекетлик байрақлары көтерилди, ҳүрметли қараўыл сап тартты.
Еки мәмлекет басшыларының биринши ханымлар қатнасыўында қысқа ушырасыўы болып өтти.
Сөйлесиўде жетекшилер Өзбекстан - Түркия кең көлемли стратегиялық шериклик қатнасықларын және де кеңейтиў мәселелери бойынша пикир алысты.
Бүгин "Ақ сарай" резиденциясында Жоқары дәрежедеги Стратегиялық бирге ислесиў кеңесиниң төртинши мәжилиси болып өтеди.
Сөйлесиўлерде сиясий, саўда-экономикалық, инвестициялық, транспорт, энергетика, мәдений-гуманитарлық ҳәм басқа да тийкарғы тараўларда әмелий бирге ислесиўди кеңейтиў мәселелери ҳәр тәреплеме көрип шығылады.
Анкара қаласында Хатай ўәлаятының Арсуз районында "Өзбекстан" турақ жай комплексиниң ашылыў мәресими ҳәм Стамбул қаласында өзбек мектебиниң қурылысын баслаў мәресими де болып өтеди.
