Академик М.Мирзаев атындағы Бағшылық, жүзимгершилик ҳәм виношылық илимий-изертлеў институты Германияның Халықаралық бирге ислесиў жәмийети (GIZ) менен "Орайлық Азияда климат қәўипин басқарыў" жойбары шеңберинде Түсинисиў меморандумына қол қойды.
Жойбар Германия Экономикалық бирге ислесиў ҳәм раўажланыў федерал министрлиги (BMZ) тәрепинен қаржыландырылмақта ҳәм 2028-жылға шекем даўам етеди. Бирге ислесиўдиң тийкарғы мақсети - климат ҳәм тәбийғый апатшылықлар қәўиплерин азайтыў, трансшегаралық суў ресурсларын басқарыў бойынша илимий-әмелий потенциалды арттырыўдан ибарат.
Зарафшан дәрьясы бассейнинде заманагөй, ақыллы тамшылатып суўғарыў системалары енгизилип, аўыл хожалығы модернизацияланады. 2025-жылға шекем Наўайы ўәлаятындағы 10 гектар жерде интенсив бағ жаратылыўы ҳәм суўғарыў системасының жолға қойылыўы режелестирилген.
Жойбар төмендеги мақсетлерди өз ишине алады:
суў ресурсларынан ақылға уғрас пайдаланыў;
қурғақшылық жылларында өнимдарлықты сақлап қалыў;
экологиялық тең салмақлылықты тәмийинлеў;
агросанаат нәтийжелилигин арттырыў.
Қәнигелердиң атап өтиўинше, бул тәжирийбе узақ мүддетте басқа аймақларға да үлгили тәризде енгизиледи.
