Усы жылдың февраль айында Пакистан Бас министриниң Өзбекстанға тарийхый сапары даўамында ерисилген келисимлерди "жол картасы"на муўапық әмелге асырыў мәселелери додаланды.
Министрликлер, уйымлар ҳәм тармақлар дәрежесиндеги сөйлесиўлер жеделлескени ҳәм алмасыўлар нәтийжели түс алғаны айрықша қанаатланыўшылық пенен атап өтилди.
Март айында Исламабад қаласында Өзбекстан азық-аўқат өнимлери көргизбеси табыслы өткерилди. Апрель айынан Лахорға қосымша авиарейслер жолға қойылыўы режелестирилген.
Биргеликтеги жойбарлардың орынланыўын көрип шығыў ҳәм оларды жеделлестириў илажларын көриў ушын Ҳүкиметлераралық комиссияның гезектеги мәжилисин усы жылы өткериў әҳмийетли екенлиги атап өтилди.
Өзбекстан ҳәм Пакистан жетекшилери регион күн тәртибиндеги әҳмийетли мәселелер бойынша да пикир алысты.
